आज : २०७७ कार्तिक १२ गतेPreeti to UnicodeUnicode to PreetiRoman to UnicodeDate Converter

Hamro Sanchar

नेकपा कुशे–१ वडा कमिटीको बैठक सम्पन्न

नव प्रवेशीहरुलाई पार्टी कामको जिम्मेवारी दिने, वडा स्तरमा मत सर्वेक्षण गर्ने निर्णय

डिजिटल संचार संवाददाता प्रकाशित : २०७७/६/१७ गते
जाजरकोट

सत्तारुढ नेपाल कम्युनिष्ट पार्टी (नेकपा) कुशे गाउँपालिका–१ को वडा कमिटीको बैठक सुक्रबार सम्पन्न भएको छ । वडा कमिटीका अध्यक्ष अमरबहादुर चलाउनेको अध्यक्षता र कर्णाली प्रदेश कमिटी सदस्य तथा कुशे गाउँ कमिटीका ईन्चार्ज हरिभक्त नेपालीको बिशेष उपस्थितिमा वडा कमिटीको बैठक सम्पन्न भएको हो ।

२९ जनाको उपस्थिति रहेको वडा कमिटिको बैठकले नेपाली कांग्रेस र नेपाली कांग्रेस पार्टीका भातृसंगठन परित्याग गरेर नेकपामा प्रवेश गरेका नव प्रवेशीहरुलाई पार्टी कामको जिम्मेवारी दिने निर्णय भएको वडा कमिटिका अध्यक्ष अमरबहादुर चलाउनेले जानकारी दिएका छन् । बैठकले वडामा पार्टीका तीन वटा टोल कमिटि, पार्टी सेल कमिटि र राष्ट्रिय युवा संघ, नेपालको वडा तथा टोल कमिटिहरु गठन तथा पुर्नगठन गर्ने निर्णय गरेको छ अध्यक्ष चलाउनेले भने–‘ फर्मेट निर्माण गरि वडा स्तरमा नेकपा र नेपाली काँग्रेस पार्टीको मत सर्वेक्षण गर्ने, पार्टी संगठनको लेविलाई व्यवस्थित गर्ने निर्णय गरेका छौं ।’

साथै बैठकले वडास्तरीय खेल मैदान, कुशे–१ देखि छेडागाड–९ जोड्ने सडक र साँध लाग्ने शहिद पार्कलाई उत्कृष्ट आयोजनाका रुपमा छनौट गरी बजेट व्यवस्थापनका लागि कर्णाली प्रदेश सरकार, संघीय सरकारको प्रतिनीधि सभा र राष्ट्रिय सभामा सिफारिस गर्ने निर्णय भएको अध्यक्ष चलाउनेले जानकारी दिएका छन् ।

प्रतिकृया दिनुहोस्